Атырау университетінде оқу орнының 1960 жылғы түлегі, ардагер спортшы, Маңғыстау және Атырау облыстарының Құрметті азаматы Әмин Тұяқовтың құрметіне жеңіл атлетикадан облыстық марафон ұйымдастырылды.
Шараның басты мақсаты – спорт ардагерінің өмір жолын дәріптеу және жастарды салауатты өмір салтына баулу. Марафонға өңірдің әр ауданынан келген әуесқой және кәсіби спортшылар қатысып, белсенділік танытты.
Осындай іс-шаралар жастардың спортқа деген қызығушылығын арттырып, бұқаралық спорттың дамуына серпін берері сөзсіз.
Ақтілек Базарбаева